Maine Chamatkar Hote Dekha Hai | Maa Durga Bhakti Kavita

 

Eight-armed Maa Durga as a protective shield (dhaal) over a praying woman devotee with her lion, symbolizing miracles. Image for 'Maine Chamatkar Hote Dekha Hai' poem.


Namaste/Hello doston!

Jab har taraf se lage ki hum haar rahe hain, tab Ishwar par hamari aastha aur vishwas ka ek chhota sa tinka bhi humein bade se bade toofan se ladne ka hosla deta hai. Maine apni zindagi ki har kathin ghadi mein uss alokik shakti ko apni dhaal bante mehsoos kiya hai. Aaj ki meri ye panktiyaan Devi Maa ke charnon mein samarpit hain...


Badi se badi vipda ho,

Chahe zindagi ki spardha ho,

Devi maa ko dhaal bante dekha hai,

Maine chamatkar hote dekha hai...


Chahe dhokhon ki maar bhaari ho,

Ya apno ke fareb se haari hoon,

Devi maa ko rakshak bante dekha hai,

Maine chamatkar hote dekha hai...


Chahe bheed mein akeli hoon,

Ya sab kuch lagta paheli ho,

Devi maa ko saath khade dekha hai,

Maine chamatkar hote dekha hai...


Bin maange jholi bharte dekha hai,

Bin haq ke sab kuch milte dekha hai,

Maine Devi maa ka chamatkar dekha hai...



Devi Maa ki kripa ko kuch shabdon mein sametna shayad mumkin nahin, par yeh meri ek chhoti si koshish hai unke aashirwad ko bayaan karne ki.

Maa Durga ka aashirwad aur kripa aap sabhi par hamesha bani rahe. Mere sabhi readers ko Durga Ashtami aur Ram Navami ki dher saari hardik shubhkamnayein! 

Jai Mata Di🙏


Meri pichhli kavita Tere Sametne Ke Intezaar Mein yahan padhiye.



Kuch naye ehsaas likhne ki koshish mein...

Aapki Swati...

Comments

Post a Comment

Popular posts from this blog

Ehsaas ka Safar: Meri Pehli Shuruat

Image
Namaste/Hello doston! ​Mera naam Swati hai, aur aaj se main ek naya safar shuru kar rahi hoon—jiska naam hai " Ehsaas by Swati " . ​Hum sabki zindagi mein bahut kuch aisa hota hai jo hum keh nahi paate, lekin mehsoos zaroor karte hain. Kabhi koi purani yaad dil ko udas kar deti hai, toh kabhi koi nayi umeed jeene ka hausla deti hai. Main hamesha se apne jazbaat ko kagaz par utarna pasand karti hoon, aur aaj is blog ke zariye, main apne wahi Ehsaas aap sab tak pahunchana chahti hoon. ​Is blog par aapko milega: ​ Sad & Soulful Poetry: Mere dil ki gehraiyon se nikle alfaaz. ​ Life & Motivation: Wo baatein jo humein har haal mein aage badhna sikhati hain. ​ Sachaai : Zindagi ke anubhav (experiences) jo shayad aapki kahani se bhi milte-julte ho Aaj ki meri ye shuruat unhi ehsaas ke naam hai: Jo shabd meri diary tak seemit they, Vo aaj ek naya jahan banane nikle hain. Zindagi ke mere khatte-mithe anubhav sabko batane nikle hain. Kuch saadgi mein rehte hue, Sanj...
Read more

Tera Haq Hai Sirf Tujhpe! | Motivational Poetry

Image
Namaskar doston, Kya aapko bhi hmesha aisa lagta hai ki agar humne ye kaam kiya to log kya kahenge ? Ya aapne khud ko unn bandisho me jakda hua hai jisme kaid mehsoos hoti hai? Zindagi ko aksar hum ek mushkil jung samajh lete hain...lekin asli mushkil hamare andar ka dar hota hai. Aaj ki ye meri poetry un sabhi ke naam jo apne dar ko darana chahte hai, usay harana chahte hai... Maana ye jivan nahi ek jung hai... Par tere hosle bhi to buland hai! Kyu darta hai ae mere dil kisi se, Kuch to log kahenge, bas tera ye bhram hai... Tod de un bandishon ko jisne tujhe hai bandha, Jee le un khwahishon ko jo poori karna tu chahta. Mout se bada to kuch nahi, phir kisi se bhi kya darna... Tera haq hai sirf tujhpe, tu isay vyarth soch mein kyu ganwata? Maine ye lines isiliye likhi hai ki aksar hum apni zindagi ki bagdor dusro k haath me de dete hain aur fir bs chinta or hatasha ke sath sari umar guzar dete hai. Yaad rakhiye aapki zindagi aur khwahishen bas aapki hai, isay muskurate hue bitayein. Aap...
Read more

Durga Ashtami Par Maa ke Charno Mein Ek Arzi

Image
Hey Janani Jagdamba, Kuch aisa karne lag jaaun, Bas dhyan teri bhakti mein rama rahe, Iss jag ki na main parwah rakhun, Bas mann tere naam ko japa kare. Ye janam tune diya hai Maa, Is jeevan ka mujhe moh nahi, Tere charno ki ek dhool ban paaun, Itne achhe mere karam nahi. Aashirwad do Maa mujhe ki, Kabhi kisi ke kaam aaun, Phir is nashwarta ko chhod kar, Teri god me main so jaun... Aap sabhi ko Durga Ashtami ki dheron shubhkaamnayein! Maa Durga aapki zindagi se saare andhere mita dein aur aapko himmat aur khushi dein... Jai Mata Di!🙏 Mera next post yahan padhein: https://www.ehsaasbyswati.com/2026/03/tera-haq-hai-sirf-tujhpe-motivational.html Kuch naye ehsaas likhne ki koshish mein... Aapki Swati...
Read more