Tere Sametne Ke Intezaar Mein : Love Poem for Life Partner

 

Tere sametne ke intezaar mein - Minimal couple line art illustration for romantic Hindi love poem


Namaste/Hello doston!

Aksar mere saamne yeh sawaal aata hai ki aakhir ek aurat apne life partner se chahti kya hai? Iska ek behad chhota aur seedha sa jawab, maine aaj iss poem ke zariye dene ki koshish ki hai...


Main bas tujhe dekhte rehna chahti hoon,

Tere ishq mein jeena chahti hoon.


Mujhe nahi chahiye koi phool ya uphaar,

Na hi chahiye koi taare aur chaand,

Main bas teri baahon ka haar chahti hoon...

Main bas tujhe dekhte rehna chahti hoon.


Sabke hote hue bhi teri nazrein mujhe dhoondhein,

Aur jab milein humari nigahein,

Bas uss pal ko apni aankhon mein bharna chahti hoon...

Main bas tujhe dekhte rehna chahti hoon.


Tu gusse mein bhi meri izzat ka khayal na chhode,

Sabke saamne mujhse kuch galat na bole.

Meri thakaan ke pichhe chhupi bebasi ko tu jaane,

Apni muskaan ke dard ko teri chhuan se mitana chahti hoon...

Main bas tujhe dekhte rehna chahti hoon.


Mujhe nahi chahiye koi aalishaan mahal,

Na hi chahiye paison ka dher,

Main toh bas tera thoda sa waqt chahti hoon,

Tere sametne ke intezaar mein tootna chahti hoon...

Main bas tujhe dekhte rehna chahti hoon.


Pyaar badi-badi baaton mein nahi, balki ek doosre ki izzat aur sath bitaye lamhon mein hota hai.

Agar yeh poem aapke dil ko chhoo gayi ho, toh ise apne uss khaas humsafar ke saath zaroor share karein, jiske sametne par aapko khud se zyada bharosa hai.

Aur comments mein zaroor batayein ki iss kavita ki kaun si line aapke dil ke sabse kareeb rahi?


Aur meri pichhali kavita Fanaa Hone Se Pehle yahan padhein.



Kuch naye ehsaas likhne ki koshish mein...

Aapki Swati...

Comments

Post a Comment

Popular posts from this blog

Ehsaas ka Safar: Meri Pehli Shuruat

Image
Namaste/Hello doston! ​Mera naam Swati hai, aur aaj se main ek naya safar shuru kar rahi hoon—jiska naam hai " Ehsaas by Swati " . ​Hum sabki zindagi mein bahut kuch aisa hota hai jo hum keh nahi paate, lekin mehsoos zaroor karte hain. Kabhi koi purani yaad dil ko udas kar deti hai, toh kabhi koi nayi umeed jeene ka hausla deti hai. Main hamesha se apne jazbaat ko kagaz par utarna pasand karti hoon, aur aaj is blog ke zariye, main apne wahi Ehsaas aap sab tak pahunchana chahti hoon. ​Is blog par aapko milega: ​ Sad & Soulful Poetry: Mere dil ki gehraiyon se nikle alfaaz. ​ Life & Motivation: Wo baatein jo humein har haal mein aage badhna sikhati hain. ​ Sachaai : Zindagi ke anubhav (experiences) jo shayad aapki kahani se bhi milte-julte ho Aaj ki meri ye shuruat unhi ehsaas ke naam hai: Jo shabd meri diary tak seemit they, Vo aaj ek naya jahan banane nikle hain. Zindagi ke mere khatte-mithe anubhav sabko batane nikle hain. Kuch saadgi mein rehte hue, Sanj...
Read more

Tera Haq Hai Sirf Tujhpe! | Motivational Poetry

Image
Namaskar doston, Kya aapko bhi hmesha aisa lagta hai ki agar humne ye kaam kiya to log kya kahenge ? Ya aapne khud ko unn bandisho me jakda hua hai jisme kaid mehsoos hoti hai? Zindagi ko aksar hum ek mushkil jung samajh lete hain...lekin asli mushkil hamare andar ka dar hota hai. Aaj ki ye meri poetry un sabhi ke naam jo apne dar ko darana chahte hai, usay harana chahte hai... Maana ye jivan nahi ek jung hai... Par tere hosle bhi to buland hai! Kyu darta hai ae mere dil kisi se, Kuch to log kahenge, bas tera ye bhram hai... Tod de un bandishon ko jisne tujhe hai bandha, Jee le un khwahishon ko jo poori karna tu chahta. Mout se bada to kuch nahi, phir kisi se bhi kya darna... Tera haq hai sirf tujhpe, tu isay vyarth soch mein kyu ganwata? Maine ye lines isiliye likhi hai ki aksar hum apni zindagi ki bagdor dusro k haath me de dete hain aur fir bs chinta or hatasha ke sath sari umar guzar dete hai. Yaad rakhiye aapki zindagi aur khwahishen bas aapki hai, isay muskurate hue bitayein. Aap...
Read more

Durga Ashtami Par Maa ke Charno Mein Ek Arzi

Image
Hey Janani Jagdamba, Kuch aisa karne lag jaaun, Bas dhyan teri bhakti mein rama rahe, Iss jag ki na main parwah rakhun, Bas mann tere naam ko japa kare. Ye janam tune diya hai Maa, Is jeevan ka mujhe moh nahi, Tere charno ki ek dhool ban paaun, Itne achhe mere karam nahi. Aashirwad do Maa mujhe ki, Kabhi kisi ke kaam aaun, Phir is nashwarta ko chhod kar, Teri god me main so jaun... Aap sabhi ko Durga Ashtami ki dheron shubhkaamnayein! Maa Durga aapki zindagi se saare andhere mita dein aur aapko himmat aur khushi dein... Jai Mata Di!🙏 Mera next post yahan padhein: https://www.ehsaasbyswati.com/2026/03/tera-haq-hai-sirf-tujhpe-motivational.html Kuch naye ehsaas likhne ki koshish mein... Aapki Swati...
Read more