Khud Par Vishwas | Motivational Poetry On Self Belief

motivational poem image on self belief and khud par vishwas by Swati


Namaste/ hello doston!


Zindagi ke bade faisle lete waqt hum doosron ki baaton mein aakar khud par shaq karne lagte hain. Log humein darate hain kyunki shayad wo khud kamzor hote hain. Par sach toh ye hai ki jab tak aap apne dil aur dimag par aitbaar nahi karenge, tab tak aapki zindagi ki dor doosron ke hathon mein hi rahegi.

Aaj ki ye poetry un sabhi ke liye hai jo apne pairon par khada hona chahte hain aur khud par vishwas rakhkar aage badhna chahte hain... 


Jinki jitni hai buddhi, unki bas utni hi salah,

Is duniya mein apno ko, apno ne hi chhala.

Isiliye tum suno apne dimag ki,

Aur apne dil par aitbaar rakhna,

Inse zyada koi saga nahi, ye baat yaad rakhna.


Kam se kam, galat ya sahi, har faisla toh tumhara hoga,

Anjaam jo bhi ho, par woh rasta toh tumhara hoga.

Apne jeevan ki dor kyun dusre haathon mein dekar chala?

Apne dil mein darr ki deewar kyun bana kar chala?


Ye sab itna mushkil nahi, jitna log batate hain,

Khud kamzor hain, isliye tumhe darate hain.

Tu khush reh, aur khud par vishwas rakh,

Ab khada ho apne pairon par, aur aage badh.


Ant nishchit hai sabka, ye sach kabhi nahin talega,

Tu khud soch apna bhala, tabhi naseeb badlega.

Ishwar hi rakshak hai, wahi raah dikhayega,

Tu khud ka saathi ban, zamana peechhe aayega.



Umeed hai ye 'Ehsaas' bhi aapke dil ko zaroor chhooega. Read, reflect, and share your thoughts in the comments below!



Meri pichhli kavita 'Suni Sunai Adalat' padhne ke liye neeche diye gaye link par click karein:

https://www.ehsaasbyswati.com/2026/06/suni-sunai-adalat-samaaj-ki-judgemental-soch.html



Kuch naye ehsaas likhne ki koshish mein...

Aapki Swati...

Comments

Post a Comment

Popular posts from this blog

Ehsaas ka Safar: Meri Pehli Shuruat

Image
Namaste/Hello doston! ​Mera naam Swati hai, aur aaj se main ek naya safar shuru kar rahi hoon—jiska naam hai " Ehsaas by Swati " . ​Hum sabki zindagi mein bahut kuch aisa hota hai jo hum keh nahi paate, lekin mehsoos zaroor karte hain. Kabhi koi purani yaad dil ko udas kar deti hai, toh kabhi koi nayi umeed jeene ka hausla deti hai. Main hamesha se apne jazbaat ko kagaz par utarna pasand karti hoon, aur aaj is blog ke zariye, main apne wahi Ehsaas aap sab tak pahunchana chahti hoon. ​Is blog par aapko milega: ​ Sad & Soulful Poetry: Mere dil ki gehraiyon se nikle alfaaz. ​ Life & Motivation: Wo baatein jo humein har haal mein aage badhna sikhati hain. ​ Sachaai : Zindagi ke anubhav (experiences) jo shayad aapki kahani se bhi milte-julte ho Aaj ki meri ye shuruat unhi ehsaas ke naam hai: Jo shabd meri diary tak seemit they, Vo aaj ek naya jahan banane nikle hain. Zindagi ke mere khatte-mithe anubhav sabko batane nikle hain. Kuch saadgi mein rehte hue, Sanj...
Read more

Tera Haq Hai Sirf Tujhpe! | Motivational Poetry

Image
Namaskar doston, Kya aapko bhi hmesha aisa lagta hai ki agar humne ye kaam kiya to log kya kahenge ? Ya aapne khud ko unn bandisho me jakda hua hai jisme kaid mehsoos hoti hai? Zindagi ko aksar hum ek mushkil jung samajh lete hain...lekin asli mushkil hamare andar ka dar hota hai. Aaj ki ye meri poetry un sabhi ke naam jo apne dar ko darana chahte hai, usay harana chahte hai... Maana ye jivan nahi ek jung hai... Par tere hosle bhi to buland hai! Kyu darta hai ae mere dil kisi se, Kuch to log kahenge, bas tera ye bhram hai... Tod de un bandishon ko jisne tujhe hai bandha, Jee le un khwahishon ko jo poori karna tu chahta. Mout se bada to kuch nahi, phir kisi se bhi kya darna... Tera haq hai sirf tujhpe, tu isay vyarth soch mein kyu ganwata? Maine ye lines isiliye likhi hai ki aksar hum apni zindagi ki bagdor dusro k haath me de dete hain aur fir bs chinta or hatasha ke sath sari umar guzar dete hai. Yaad rakhiye aapki zindagi aur khwahishen bas aapki hai, isay muskurate hue bitayein. Aap...
Read more

Durga Ashtami Par Maa ke Charno Mein Ek Arzi

Image
Hey Janani Jagdamba, Kuch aisa karne lag jaaun, Bas dhyan teri bhakti mein rama rahe, Iss jag ki na main parwah rakhun, Bas mann tere naam ko japa kare. Ye janam tune diya hai Maa, Is jeevan ka mujhe moh nahi, Tere charno ki ek dhool ban paaun, Itne achhe mere karam nahi. Aashirwad do Maa mujhe ki, Kabhi kisi ke kaam aaun, Phir is nashwarta ko chhod kar, Teri god me main so jaun... " Aap sabhi ko Durga Ashtami ki dheron shubhkaamnayein! Maa Durga aapki zindagi se saare andhere mita dein aur aapko himmat aur khushi dein... Jai Mata Di!"🙏 Mera next post yahan padhein: https://www.ehsaasbyswati.com/2026/03/tera-haq-hai-sirf-tujhpe-motivational.html Kuch naye ehsaas likhne ki koshish mein... Aapki Swati...
Read more