Aaj Ravan Ko Bachane Khud Ram Aaya Hai | Dussehra Special Poem

 

A back-view of Lord Ram standing on an elevated mound, quietly overlooking a massive crowd gathered at night for a Dussehra mela with a giant, unburnt Ravan effigy in the background.

Namaste/Hello doston!


Har saal Dussehra par lakho log Ravan dahan dekhne ikatthha hote hain, par kya sach mein Ravan ka putla jala kar humne Bhagwan Shree Ram ko paa liya? Kya humne sach mein unke aadarshon aur maryada ko apne jeevan mein utara hai, ya yeh sab bas har saal karne wala dikhava aur prapanch bankar reh gaya hai?

Kyunki jo sach mein Bhagwan ko maanta hai, jo sach mein Shree Ram ji ko dil se maanta hai—woh chah kar bhi kisi ke saath kabhi bura ya anyay nahi kar sakta. Hairani ki baat toh yeh hai ki jis samaj mein aurat ko 'Devi' ka darja diya gaya hai, usi samaj mein sabse zyada durgati, apmaan aur dard bhi usi aurat ko jhelna padta hai.

Aaj Dussehra par bheed mein lage 'Jai Shree Ram' ke naaron ke peeche samaj ke dohre charitra ko aaina dikhati meri yeh kavita...


Ravan ko jalane ke liye bheed jama hai,

Seeta maa ke insaaf ke liye aaj bhi har koi khada hai...


Ram ji bhi aaj khud dekhne aaye hain lakhon karodon ki bheed ko,

Jinme unko ab tak koi sahi insaan nahi mila hai.


Koi biwi ke saath maarpit karke aaya hai,

Toh Koi issi bheed mein kisi ladki ko chhed ke aaya hai...

Kisi ka haath ab bhi kisi aurat ke seene par hai,

Toh koi jismon ko dekh kar apni aankhein sekne aaya hai.


Koi toh nashe mein choor hokar 'Jai Shree Ram' chillaya hai,

Sadhu ke bhesh mein koi balatkari bhi aaya hai...

Jo har roz karta hai apne maa-baap ka tiraskar,

Woh toh aaj saakshaat manch par 'Shree Ram' bankar aaya hai!


Ram ji toh ab bhi dekh rahe hain lakhon karodon ki bheed ko...

Itni haivaniyat ka shayad unhein bhi andaaza na tha,

Unki janmabhoomi Bharatvarsh, jahan mataon ki asmita ka janaaza sa tha...

Ram ji dhoondh rahe hain lakhon karodon ki bheed mein ab apne Ravan ko,

Kyunki aaj Ravan ko bachakar le jaane, khud Ram aaya hai!


Kya hum sach mein Ram ji ke aadarshon par chal rahe hain ya bas is bheed ka hissa ban kar reh gaye hain? Is par aapka kya sochna hai, comments mein zaroor batayein.


Meri pichhli kavita Maine Chamatkar Hote Dekha Hai yahan padhiye.



Kuch naye ehsaas likhne ki koshish mein...

Aapki Swati...

Comments

Post a Comment

Popular posts from this blog

Ehsaas ka Safar: Meri Pehli Shuruat

Image
Namaste/Hello doston! ​Mera naam Swati hai, aur aaj se main ek naya safar shuru kar rahi hoon—jiska naam hai " Ehsaas by Swati " . ​Hum sabki zindagi mein bahut kuch aisa hota hai jo hum keh nahi paate, lekin mehsoos zaroor karte hain. Kabhi koi purani yaad dil ko udas kar deti hai, toh kabhi koi nayi umeed jeene ka hausla deti hai. Main hamesha se apne jazbaat ko kagaz par utarna pasand karti hoon, aur aaj is blog ke zariye, main apne wahi Ehsaas aap sab tak pahunchana chahti hoon. ​Is blog par aapko milega: ​ Sad & Soulful Poetry: Mere dil ki gehraiyon se nikle alfaaz. ​ Life & Motivation: Wo baatein jo humein har haal mein aage badhna sikhati hain. ​ Sachaai : Zindagi ke anubhav (experiences) jo shayad aapki kahani se bhi milte-julte ho Aaj ki meri ye shuruat unhi ehsaas ke naam hai: Jo shabd meri diary tak seemit they, Vo aaj ek naya jahan banane nikle hain. Zindagi ke mere khatte-mithe anubhav sabko batane nikle hain. Kuch saadgi mein rehte hue, Sanj...
Read more

Tera Haq Hai Sirf Tujhpe! | Motivational Poetry

Image
Namaskar doston, Kya aapko bhi hmesha aisa lagta hai ki agar humne ye kaam kiya to log kya kahenge ? Ya aapne khud ko unn bandisho me jakda hua hai jisme kaid mehsoos hoti hai? Zindagi ko aksar hum ek mushkil jung samajh lete hain...lekin asli mushkil hamare andar ka dar hota hai. Aaj ki ye meri poetry un sabhi ke naam jo apne dar ko darana chahte hai, usay harana chahte hai... Maana ye jivan nahi ek jung hai... Par tere hosle bhi to buland hai! Kyu darta hai ae mere dil kisi se, Kuch to log kahenge, bas tera ye bhram hai... Tod de un bandishon ko jisne tujhe hai bandha, Jee le un khwahishon ko jo poori karna tu chahta. Mout se bada to kuch nahi, phir kisi se bhi kya darna... Tera haq hai sirf tujhpe, tu isay vyarth soch mein kyu ganwata? Maine ye lines isiliye likhi hai ki aksar hum apni zindagi ki bagdor dusro k haath me de dete hain aur fir bs chinta or hatasha ke sath sari umar guzar dete hai. Yaad rakhiye aapki zindagi aur khwahishen bas aapki hai, isay muskurate hue bitayein. Aap...
Read more

Durga Ashtami Par Maa ke Charno Mein Ek Arzi

Image
Hey Janani Jagdamba, Kuch aisa karne lag jaaun, Bas dhyan teri bhakti mein rama rahe, Iss jag ki na main parwah rakhun, Bas mann tere naam ko japa kare. Ye janam tune diya hai Maa, Is jeevan ka mujhe moh nahi, Tere charno ki ek dhool ban paaun, Itne achhe mere karam nahi. Aashirwad do Maa mujhe ki, Kabhi kisi ke kaam aaun, Phir is nashwarta ko chhod kar, Teri god me main so jaun... Aap sabhi ko Durga Ashtami ki dheron shubhkaamnayein! Maa Durga aapki zindagi se saare andhere mita dein aur aapko himmat aur khushi dein... Jai Mata Di!🙏 Mera next post yahan padhein: https://www.ehsaasbyswati.com/2026/03/tera-haq-hai-sirf-tujhpe-motivational.html Kuch naye ehsaas likhne ki koshish mein... Aapki Swati...
Read more