Deewar Par Tangi Ghadi... Aur Uska Waqt

 

A vintage-style wall clock with intricate golden and blue detailing, hanging on a floral wallpaper background, displaying the quote: 'Ab ghadi ko bhi yeh baat samajh aa gayi hai— Ki wo waqt bhale hi sahi batati ho, Par apna waqt nahi badal sakti.


Namaste/Hellon Doston!


Aksar hum apne gharon mein deewar par tangi ghadi ko sirf samay dekhne ke liye dekhte hain. Lekin kya kabhi kisi ne socha hai ki us ghadi ka apna bhi koi 'waqt' hota hoga?

Woh jo khamosh-si tick-tick karti rehti hai... kya uske paas bhi kehne ke liye kuch hoga?

Aaj ki yeh kavita usi ek ghadi ke baare mein hai. Shayad aap mein se bahut se log ismein apni hi koi kahani dekh paayen.



Kisi naye makaan ki deewar par tangi ek nayi ghadi,

Jiski 'tick-tick' sabka dhyan apni or kheench leti hai.

Rishtedaron se padosiyon tak, sabki nazar us par padti hai,

Jo bhi use dekhta hai, bas tareef hi karta hai.


Sab puchte hain makaan-maalik se,

"Kahan se mili itni sundar ghadi?"

Ye ghadi, jo samay to sahi batati hi hai,

Uski dekhbhaal ka bhi koi khaas kharch nahi hai.


Khud hi keel ka bojh uthaye,

Deewar ke ek kone mein khamosh tangi reh jaati hai.

Haan, kabhi-kabhi makaan-maalik ko uski yaad aati hai,

Aur woh us par jami dhool saaf kar deta hai.

Sabki zaroorat ke liye hi to use laya tha,

So, thoda apna farz nibha deta hai.


Par ab, itne saalon baad,

Woh kisi ko achi nahi lagti.

Aaj bhi beshak wo sabke kaam aati hai,

Par parivar aur rishtedaron ne use dekhna chhod diya.

Makaan-maalik ne bhi ab,

Us par koi gaur nahi kiya.


Woh sabki zaroorat ke anusaar aaj bhi chalti hai,

Par aksar parivar ki drishti mein atakti hai.

Jaise woh ab khatkne lagi ho,

Har cheez uski maujoodgi se bigadne lagi ho.


Makaan-maalik ko bhi woh ab aakarshak nahi dikhti,

Uski 'tick-tick' ab kaanon mein chubhti hai.

Ab ghadi ko bhi yeh baat samajh aa gayi hai—

Ki woh waqt bhale hi sahi batati ho,

Par apna waqt nahi badal sakti.


Is swarth aur lalach bhari duniya mein,

Woh ab kisi se achai ki umeed nahi kar sakti.

Phir bhi apne farz nibhati, usoolon par chalti hai,

Apna vajood bachati, sabka khayal aaj bhi rakhti hai.


Kyunki chalte jaana hi us ghadi ka kaam hai,

Sabko unka waqt dikhana hi uski pehchaan hai.



Har ghadi sirf waqt hi nahi batati... kabhi-kabhi woh ek kahani bhi keh jaati hai. Aapko is ghadi ki kahani mein kya nazar aaya? 

Kya aapne bhi kabhi apne aas-paas aisi koi "ghadi" dekhi hai? Apne vichar comment mein zaroor share karein.


Aur meri pichhli kavita Barish aur Bachpan ko padhne ke liye neeche diye gaye link par click karein:

https://www.ehsaasbyswati.com/2026/07/barish-aur-bachpan-ek-yaadon-bhara-safar.html




Kuch naye ehsaas likhne ki koshish mein...
Aapki Swati...

Comments

Post a Comment

Popular posts from this blog

Ehsaas ka Safar: Meri Pehli Shuruat

Image
Namaste/Hello doston! ​Mera naam Swati hai, aur aaj se main ek naya safar shuru kar rahi hoon—jiska naam hai " Ehsaas by Swati " . ​Hum sabki zindagi mein bahut kuch aisa hota hai jo hum keh nahi paate, lekin mehsoos zaroor karte hain. Kabhi koi purani yaad dil ko udas kar deti hai, toh kabhi koi nayi umeed jeene ka hausla deti hai. Main hamesha se apne jazbaat ko kagaz par utarna pasand karti hoon, aur aaj is blog ke zariye, main apne wahi Ehsaas aap sab tak pahunchana chahti hoon. ​Is blog par aapko milega: ​ Sad & Soulful Poetry: Mere dil ki gehraiyon se nikle alfaaz. ​ Life & Motivation: Wo baatein jo humein har haal mein aage badhna sikhati hain. ​ Sachaai : Zindagi ke anubhav (experiences) jo shayad aapki kahani se bhi milte-julte ho Aaj ki meri ye shuruat unhi ehsaas ke naam hai: Jo shabd meri diary tak seemit they, Vo aaj ek naya jahan banane nikle hain. Zindagi ke mere khatte-mithe anubhav sabko batane nikle hain. Kuch saadgi mein rehte hue, Sanj...
Read more

Tera Haq Hai Sirf Tujhpe! | Motivational Poetry

Image
Namaskar doston, Kya aapko bhi hmesha aisa lagta hai ki agar humne ye kaam kiya to log kya kahenge ? Ya aapne khud ko unn bandisho me jakda hua hai jisme kaid mehsoos hoti hai? Zindagi ko aksar hum ek mushkil jung samajh lete hain...lekin asli mushkil hamare andar ka dar hota hai. Aaj ki ye meri poetry un sabhi ke naam jo apne dar ko darana chahte hai, usay harana chahte hai... Maana ye jivan nahi ek jung hai... Par tere hosle bhi to buland hai! Kyu darta hai ae mere dil kisi se, Kuch to log kahenge, bas tera ye bhram hai... Tod de un bandishon ko jisne tujhe hai bandha, Jee le un khwahishon ko jo poori karna tu chahta. Mout se bada to kuch nahi, phir kisi se bhi kya darna... Tera haq hai sirf tujhpe, tu isay vyarth soch mein kyu ganwata? Maine ye lines isiliye likhi hai ki aksar hum apni zindagi ki bagdor dusro k haath me de dete hain aur fir bs chinta or hatasha ke sath sari umar guzar dete hai. Yaad rakhiye aapki zindagi aur khwahishen bas aapki hai, isay muskurate hue bitayein. Aap...
Read more

Durga Ashtami Par Maa ke Charno Mein Ek Arzi

Image
Hey Janani Jagdamba, Kuch aisa karne lag jaaun, Bas dhyan teri bhakti mein rama rahe, Iss jag ki na main parwah rakhun, Bas mann tere naam ko japa kare. Ye janam tune diya hai Maa, Is jeevan ka mujhe moh nahi, Tere charno ki ek dhool ban paaun, Itne achhe mere karam nahi. Aashirwad do Maa mujhe ki, Kabhi kisi ke kaam aaun, Phir is nashwarta ko chhod kar, Teri god me main so jaun... " Aap sabhi ko Durga Ashtami ki dheron shubhkaamnayein! Maa Durga aapki zindagi se saare andhere mita dein aur aapko himmat aur khushi dein... Jai Mata Di!"🙏 Mera next post yahan padhein: https://www.ehsaasbyswati.com/2026/03/tera-haq-hai-sirf-tujhpe-motivational.html Kuch naye ehsaas likhne ki koshish mein... Aapki Swati...
Read more