Shabdon Ke Ghaav | Emotional Hindi Poem on Words

Shabdon Ke Ghaav Hindi poem image with a faded white rose on a dark background.


Namaste/Hello doston!


Iss daudti-bhagti zindagi mein jyada sochne ka kiske paas samay hai? Par fir bhi kai baar kisi ke kahe kuch shabd hamare dil par itni gehri chot de jaate hain ki unhe bhool paana aur khud ko sambhal paana namumkin sa ho jata hai...

Meri maa mujhe hamesha ek baat kehti thi ki beta bade nivale kha lena par kisi ko bade bol na bolna... Maine to iss baat ko hamesha follow kiya par kya baki log bhi aisa karte hain?

Aaj ke ye ehsaas unhi logon ke naam jo kisi ko kuch bhi kehne se pehle sochte nahi hain... Padhiye, shabdon ke ghaav par meri ek chhoti si koshish...


Talwar, teer, khanjar se bhi zyada chubhte hain,

Ye shabdon ke ghaav hain, yun hi nahin bharte hain.

Tum keh kar bhool jao, ya maafi maang jao,

Ye toh zakhmon par namak sa chhidakte hain.

Ye shabdon ke ghaav hain, yun hi nahin bharte hain.


Tum laakh manao, ya bol kar pachhtao,

Ye toh bankar angaare, dil mein jalte hain.

Ye shabdon ke ghaav hain, yun hi nahin bharte hain.


Tum ghamon mein doob jao, ya jeevan mein aage badh jao,

Ye toh saaye ki tarah, marne talak chalte hain.

Ye shabdon ke ghaav hain, yun hi nahin bharte hain.


Tum khushi mein beh jao, ya andhero mein kho jao,

Ye tumhari muskaan mein grahan ban ubharte hain.

Ye shabdon ke ghaav hain, yun hi nahin bharte hain.



Kya aapko bhi lagta hai ki shabdon ke ghaav kabhi nahin bharte? Mujhe comment karke zaroor batayein.

Aur meri pichhli kavita 'Khud Par Vishwas' padhne ke liye neeche diye gaye link par click karein:

https://www.ehsaasbyswati.com/2026/06/Khud-par-vishwas-motivational-poetry-on-self-belief.html



Kuch naye ehsaas likhne ki koshish mein...

Aapki Swati...

Comments

Post a Comment

Popular posts from this blog

Ehsaas ka Safar: Meri Pehli Shuruat

Image
Namaste/Hello doston! ​Mera naam Swati hai, aur aaj se main ek naya safar shuru kar rahi hoon—jiska naam hai " Ehsaas by Swati " . ​Hum sabki zindagi mein bahut kuch aisa hota hai jo hum keh nahi paate, lekin mehsoos zaroor karte hain. Kabhi koi purani yaad dil ko udas kar deti hai, toh kabhi koi nayi umeed jeene ka hausla deti hai. Main hamesha se apne jazbaat ko kagaz par utarna pasand karti hoon, aur aaj is blog ke zariye, main apne wahi Ehsaas aap sab tak pahunchana chahti hoon. ​Is blog par aapko milega: ​ Sad & Soulful Poetry: Mere dil ki gehraiyon se nikle alfaaz. ​ Life & Motivation: Wo baatein jo humein har haal mein aage badhna sikhati hain. ​ Sachaai : Zindagi ke anubhav (experiences) jo shayad aapki kahani se bhi milte-julte ho Aaj ki meri ye shuruat unhi ehsaas ke naam hai: Jo shabd meri diary tak seemit they, Vo aaj ek naya jahan banane nikle hain. Zindagi ke mere khatte-mithe anubhav sabko batane nikle hain. Kuch saadgi mein rehte hue, Sanj...
Read more

Chaar Log: Ek Kadwa Sach

Image
Namaste/ Hello doston! Hum me se lagbhag harek insan ne apni family ya friends se ye jaroor suna hoga ki chaar log dekhenge to kya kahenge? Kya sach me hamari khushiyan inhi chaar logon ke aas-pas ghumti hain? Kaun hai ye chaar log? Aaj ke mere ye ehsaas unhi 'chaar logon' ke naam hai, jo har jagah hain, par khin nahin... Wo har udaas chehre mein dikh jayenge... Wo har aankh mein chhupe nazar aayenge... Wo humein umar bhar yun hi satayenge, Kaun hain wo chaar log, Jo har shehar, gali, kone mein mil jayenge... Wo hamare bhookhe hone par roti nahi khilayenge, Wo Pareshani mein kabhi saath nahi nibhayenge, Bas hamare dil mein apna khauf baithayenge, Wo chaar log, jo har shehar, gali, kone mein mil jayenge... Wo humein hamare darr se aur darayenge, Fir bhi duniya mein ' khas'  izzat kamayenge, Wo Har kadam par hum par ankush lagayenge, Wo chaar log, jo har shehar, gali, kone mein mil jayenge... Wo mansik yatna dete hi jayenge, Kuch accha karne par sirf galtiyan ginayenge, M...
Read more

Tera Haq Hai Sirf Tujhpe! | Motivational Poetry

Image
Namaskar doston, Kya aapko bhi hmesha aisa lagta hai ki agar humne ye kaam kiya to log kya kahenge ? Ya aapne khud ko unn bandisho me jakda hua hai jisme kaid mehsoos hoti hai? Zindagi ko aksar hum ek mushkil jung samajh lete hain...lekin asli mushkil hamare andar ka dar hota hai. Aaj ki ye meri poetry un sabhi ke naam jo apne dar ko darana chahte hai, usay harana chahte hai... Maana ye jivan nahi ek jung hai... Par tere hosle bhi to buland hai! Kyu darta hai ae mere dil kisi se, Kuch to log kahenge, bas tera ye bhram hai... Tod de un bandishon ko jisne tujhe hai bandha, Jee le un khwahishon ko jo poori karna tu chahta. Mout se bada to kuch nahi, phir kisi se bhi kya darna... Tera haq hai sirf tujhpe, tu isay vyarth soch mein kyu ganwata? Maine ye lines isiliye likhi hai ki aksar hum apni zindagi ki bagdor dusro k haath me de dete hain aur fir bs chinta or hatasha ke sath sari umar guzar dete hai. Yaad rakhiye aapki zindagi aur khwahishen bas aapki hai, isay muskurate hue bitayein. Aap...
Read more