Ek Mulakat: Khud ke Saath

 

Self-reflection concept: A woman sitting by a sunset lake with Hindi poetry overlay.

Namaste/ Hello doston!

Aaj ke samay mein hum sabki zindagiyon mein itna tanav bhar gaya hai ki shayad hum sab khud ko bhool hi chuke hain. Sabke liye itna jine lage hai ki kab hamari zindagi mein 'hum' hi nahin rahe, ye hamein pata tak nahin chala. Mera bhi aaj yahi dil chaha ki chalo aaj thoda thehar jaate hai, khud se milna bhi to jaruri hai.


Aey daudti-bhagti zindagi,

Zara thahar ja...

Mujhe de zara kuch waqt,

Dhoondhu main bhi apna aks,

Ya dhoondhu phir wo rooh-e-shaks,

Jo milwa de mujhse mujhi ko.

Jo bichhad gayi hoon khud se,

Doosron ki khwahishein poori karte hue...

Jo ladi hoon duniya se hamesha

Apni chhoti chhoti si khushiya paane ke liye.

Aey daudti-bhagti zindagi,

Ab toh zara thahar ja,

Thak gayi hoon ab sab sehte hue...

Ab bas rukhna chahti hoon,

Ek baar phir, khud se milne ke liye...



Kya aap bhi meri tarah thak gaye hain zindagi ki daud-bhag se? To chalo aaj ek saath kuch waqt ke liye thahar jaate hai, kya pata vo muskan fir se vapis aa jaye. Kya aap bhi aisa hi soch rahe hain? Mujhe comment kar ke jarur btayega.


Aur meri pichhali kavita 'ईश्वर की तलाश ' padhne ke liye neeche diye gaye link par click karein:

https://www.ehsaasbyswati.com/2026/06/seeking-the-divine-ishwar-ki-talaash-poem.html



Kuch naye ehsaas likhne ki koshish mein...

Aapki Swati...

Comments

Post a Comment

Popular posts from this blog

Ehsaas ka Safar: Meri Pehli Shuruat

Image
Namaste/Hello doston! ​Mera naam Swati hai, aur aaj se main ek naya safar shuru kar rahi hoon—jiska naam hai " Ehsaas by Swati " . ​Hum sabki zindagi mein bahut kuch aisa hota hai jo hum keh nahi paate, lekin mehsoos zaroor karte hain. Kabhi koi purani yaad dil ko udas kar deti hai, toh kabhi koi nayi umeed jeene ka hausla deti hai. Main hamesha se apne jazbaat ko kagaz par utarna pasand karti hoon, aur aaj is blog ke zariye, main apne wahi Ehsaas aap sab tak pahunchana chahti hoon. ​Is blog par aapko milega: ​ Sad & Soulful Poetry: Mere dil ki gehraiyon se nikle alfaaz. ​ Life & Motivation: Wo baatein jo humein har haal mein aage badhna sikhati hain. ​ Sachaai : Zindagi ke anubhav (experiences) jo shayad aapki kahani se bhi milte-julte ho Aaj ki meri ye shuruat unhi ehsaas ke naam hai: Jo shabd meri diary tak seemit they, Vo aaj ek naya jahan banane nikle hain. Zindagi ke mere khatte-mithe anubhav sabko batane nikle hain. Kuch saadgi mein rehte hue, Sanj...
Read more

Tera Haq Hai Sirf Tujhpe! | Motivational Poetry

Image
Namaskar doston, Kya aapko bhi hmesha aisa lagta hai ki agar humne ye kaam kiya to log kya kahenge ? Ya aapne khud ko unn bandisho me jakda hua hai jisme kaid mehsoos hoti hai? Zindagi ko aksar hum ek mushkil jung samajh lete hain...lekin asli mushkil hamare andar ka dar hota hai. Aaj ki ye meri poetry un sabhi ke naam jo apne dar ko darana chahte hai, usay harana chahte hai... Maana ye jivan nahi ek jung hai... Par tere hosle bhi to buland hai! Kyu darta hai ae mere dil kisi se, Kuch to log kahenge, bas tera ye bhram hai... Tod de un bandishon ko jisne tujhe hai bandha, Jee le un khwahishon ko jo poori karna tu chahta. Mout se bada to kuch nahi, phir kisi se bhi kya darna... Tera haq hai sirf tujhpe, tu isay vyarth soch mein kyu ganwata? Maine ye lines isiliye likhi hai ki aksar hum apni zindagi ki bagdor dusro k haath me de dete hain aur fir bs chinta or hatasha ke sath sari umar guzar dete hai. Yaad rakhiye aapki zindagi aur khwahishen bas aapki hai, isay muskurate hue bitayein. Aap...
Read more

Durga Ashtami Par Maa ke Charno Mein Ek Arzi

Image
Hey Janani Jagdamba, Kuch aisa karne lag jaaun, Bas dhyan teri bhakti mein rama rahe, Iss jag ki na main parwah rakhun, Bas mann tere naam ko japa kare. Ye janam tune diya hai Maa, Is jeevan ka mujhe moh nahi, Tere charno ki ek dhool ban paaun, Itne achhe mere karam nahi. Aashirwad do Maa mujhe ki, Kabhi kisi ke kaam aaun, Phir is nashwarta ko chhod kar, Teri god me main so jaun... " Aap sabhi ko Durga Ashtami ki dheron shubhkaamnayein! Maa Durga aapki zindagi se saare andhere mita dein aur aapko himmat aur khushi dein... Jai Mata Di!"🙏 Mera next post yahan padhein: https://www.ehsaasbyswati.com/2026/03/tera-haq-hai-sirf-tujhpe-motivational.html Kuch naye ehsaas likhne ki koshish mein... Aapki Swati...
Read more