Kya Tum Bhi Vaisa Mehsoos Karte Ho? – Deep Love Poetry



Two images showing a couple holding hands by a lake at sunset, with emotional Hindi poetry text written at the top and bottom.


Namste/Hello doston!


Duniya mein mohabbat karne wale toh bohut hain, par kya har koi us mohabbat ki gehrai aur usmein chhupe sacrifice ko samajh paata hai? Jab hum kisi se beintehaa ishq karte hain, toh dil mein kai ankahe sawal sargoshiyan karne lagte hain.

Aaj ki meri ye kavita 'Ehsaas by Swati' par unhi masoom sawalon aur dil ki bechaini ke naam hai... Ummeed hai ye aapke dil ko zaroor chuyegi.



Jaise dhadkata hai dil mera tumhare liye,

Kya tum bhi vaisa mehsoos karte ho?


Jo bol nahi paati zubaan se main,

Kya tum meri aankhon mein padhte ho?


Surkh labon ko dekh kar mere,

Kya tum bhi raahat-e-aah bharte ho?


Main ishq mein tumhare Heer hui,

Kya tum bhi Ranjha bante ho?


Mujhe harek lamha dekhne ko,

Kya tum bhi mujh sa tarsate ho?


Main tumhare liye hui jaise deewani,

Kya tum bhi ishq mein saudai bante ho?


Meri mohabbat ki gehrai mein,

Kya tum bhi dooba karte ho?


Main bhooli apni sudh-budh, tan-man,

Kya tum mujhe yaad rakhte ho?


Main bharoon tumhari zindagi mein rang sufiyana,

Kya tum mere liye rangrez ban sakte ho?


Chhod diya tumhare liye maine apna sab kuch,

Kya tum mere liye khud ko chhod sakte ho?



Kya aapne bhi kabhi mohabbat mein aisa sufi rang mehsoos kiya hai? Mujhe comment mein jaroor bataye...

Aur Meri pichhli kavita 'Rishton Ka Fareb' padhne ke liye neeche diye gaye link par click karein:

https://www.ehsaasbyswati.com/2026/05/rishton-ka-fareb-poem-on-relationship.html



Kuch naye ehsaas likhne ki koshish mein...

Aapki Swati...


Comments

Post a Comment

Popular posts from this blog

Ehsaas ka Safar: Meri Pehli Shuruat

Image
Namaste/Hello doston! ​Mera naam Swati hai, aur aaj se main ek naya safar shuru kar rahi hoon—jiska naam hai " Ehsaas by Swati " . ​Hum sabki zindagi mein bahut kuch aisa hota hai jo hum keh nahi paate, lekin mehsoos zaroor karte hain. Kabhi koi purani yaad dil ko udas kar deti hai, toh kabhi koi nayi umeed jeene ka hausla deti hai. Main hamesha se apne jazbaat ko kagaz par utarna pasand karti hoon, aur aaj is blog ke zariye, main apne wahi Ehsaas aap sab tak pahunchana chahti hoon. ​Is blog par aapko milega: ​ Sad & Soulful Poetry: Mere dil ki gehraiyon se nikle alfaaz. ​ Life & Motivation: Wo baatein jo humein har haal mein aage badhna sikhati hain. ​ Sachaai : Zindagi ke anubhav (experiences) jo shayad aapki kahani se bhi milte-julte ho Aaj ki meri ye shuruat unhi ehsaas ke naam hai: Jo shabd meri diary tak seemit they, Vo aaj ek naya jahan banane nikle hain. Zindagi ke mere khatte-mithe anubhav sabko batane nikle hain. Kuch saadgi mein rehte hue, Sanj...
Read more

Tera Haq Hai Sirf Tujhpe! | Motivational Poetry

Image
Namaskar doston, Kya aapko bhi hmesha aisa lagta hai ki agar humne ye kaam kiya to log kya kahenge ? Ya aapne khud ko unn bandisho me jakda hua hai jisme kaid mehsoos hoti hai? Zindagi ko aksar hum ek mushkil jung samajh lete hain...lekin asli mushkil hamare andar ka dar hota hai. Aaj ki ye meri poetry un sabhi ke naam jo apne dar ko darana chahte hai, usay harana chahte hai... Maana ye jivan nahi ek jung hai... Par tere hosle bhi to buland hai! Kyu darta hai ae mere dil kisi se, Kuch to log kahenge, bas tera ye bhram hai... Tod de un bandishon ko jisne tujhe hai bandha, Jee le un khwahishon ko jo poori karna tu chahta. Mout se bada to kuch nahi, phir kisi se bhi kya darna... Tera haq hai sirf tujhpe, tu isay vyarth soch mein kyu ganwata? Maine ye lines isiliye likhi hai ki aksar hum apni zindagi ki bagdor dusro k haath me de dete hain aur fir bs chinta or hatasha ke sath sari umar guzar dete hai. Yaad rakhiye aapki zindagi aur khwahishen bas aapki hai, isay muskurate hue bitayein. Aap...
Read more

Chaar Log: Ek Kadwa Sach

Image
Namaste/ Hello doston! Hum me se lagbhag harek insan ne apni family ya friends se ye jaroor suna hoga ki chaar log dekhenge to kya kahenge? Kya sach me hamari khushiyan inhi chaar logon ke aas-pas ghumti hain? Kaun hai ye chaar log? Aaj ke mere ye ehsaas unhi 'chaar logon' ke naam hai, jo har jagah hain, par khin nahin... Wo har udaas chehre mein dikh jayenge... Wo har aankh mein chhupe nazar aayenge... Wo humein umar bhar yun hi satayenge, Kaun hain wo chaar log, Jo har shehar, gali, kone mein mil jayenge... Wo hamare bhookhe hone par roti nahi khilayenge, Wo Pareshani mein kabhi saath nahi nibhayenge, Bas hamare dil mein apna khauf baithayenge, Wo chaar log, jo har shehar, gali, kone mein mil jayenge... Wo humein hamare darr se aur darayenge, Fir bhi duniya mein ' khas'  izzat kamayenge, Wo Har kadam par hum par ankush lagayenge, Wo chaar log, jo har shehar, gali, kone mein mil jayenge... Wo mansik yatna dete hi jayenge, Kuch accha karne par sirf galtiyan ginayenge, M...
Read more