Zindagi ka sabse keemti panna: Meri Maa

Namaskar doston,

Aaj mere blog 'Ehsaas' par main apni zindagi ka sabse keemti panna khol rahi hoon. Kehte hain 'janamdin' khushi ka din hota hai par mere liye ye din meri maa ki yaadon se bhara hua hain...aisi yaadein jo rulati hai, tadpati hai, zindagi ko bhari kar deti hai....

Unka pyar bayan kar pau, itne shabd nahi hai mere pass...fir bhi unke be-intehaan dulaar ko sametne ki ek chhoti si koshish hain ye meri..."


Maa ki mamta aur bachpan ki yaadein - Hindi Poem by Swati



Maa tu kitni achhi thi...

Kbhi barsata laad tera, kabhi thodi sakhti thi...

Tera wo be-intehaan dular,

Pet bharne par bhi wo "bas ek roti aur" wala pyar...

Paise na hone par bhi, janamdin par diye wo uphaar,

Sab yaad aata hai, aur Maa... sach mein bada rulata hai.

Tera wo ulte-pulte filmi gaane gaana,

Humein manana, hasana aur phir humara chillana...

Ki "Kya Mumma! Aaj phir galat gaana gaya hai?"

Uss baat par tera wo hasna aur khilkhilana,

Sab yaad aata hai, aur Maa... sach mein bada rulata hai.

Vrat mein tere hathon ka wo prasad, wo churma...

Tyoharo par banayi wo puri aur halwa...

Badi mushkil se papa se paise dilwana,

Buri balaon se hamari nazrein utarwana...

Maa, humein sab yaad aata hai,

Aur sach mein... bada rulata hai...


"Zindagi ke sangharsh bade hain, par unki yaadon ka saya usse bhi bada hai. Happy Birthday to the daughter you raised. ✨"


Meri pichhli poem Inteha-e-ishq padhne ke liye yahan click karein: https://ehsaasbyswati.blogspot.com/2026/03/inteha-e-ishq-uske-rang-mein.html?m=1

Comments

  1. The sweet oneApril 2, 2026 at 5:25 PM

    Your words are not merely words; they are a living part of moments that have passed, yet still stand vividly before my eyes as if they happened just yesterday. Each line you write feels like a complete story unfolding, one that has the power to bring tears to the eyes.
    Wishing you a very happy birthday, along with heartfelt greetings on Hanuman Jayanti. May Lord Balaji always bless you, and may you receive all the happiness in life that you truly deserve.
    Thank you.🙏😊

    ReplyDelete
    Replies
    1. Ehsaas by SwatiApril 6, 2026 at 11:39 PM

      Thank you so much for such soulful words. Mere 'ehsaas' ko itni gehrai se samajhne ke liye dil se dhanyawad The sweet one. It means a lot to me that my words could touch your heart in such a way. Your beautiful birthday wishes and blessings for Hanuman Jayanti made my day even more special. May Lord Hanuman ji bless you with immense happiness too. Thank you for being such a wonderful reader! 🙏😊

      Delete

Post a Comment

Popular posts from this blog

Ehsaas ka Safar: Meri Pehli Shuruat

Image
Namaste/Hello doston! ​Mera naam Swati hai, aur aaj se main ek naya safar shuru kar rahi hoon—jiska naam hai " Ehsaas by Swati " . ​Hum sabki zindagi mein bahut kuch aisa hota hai jo hum keh nahi paate, lekin mehsoos zaroor karte hain. Kabhi koi purani yaad dil ko udas kar deti hai, toh kabhi koi nayi umeed jeene ka hausla deti hai. Main hamesha se apne jazbaat ko kagaz par utarna pasand karti hoon, aur aaj is blog ke zariye, main apne wahi Ehsaas aap sab tak pahunchana chahti hoon. ​Is blog par aapko milega: ​ Sad & Soulful Poetry: Mere dil ki gehraiyon se nikle alfaaz. ​ Life & Motivation: Wo baatein jo humein har haal mein aage badhna sikhati hain. ​ Sachaai : Zindagi ke anubhav (experiences) jo shayad aapki kahani se bhi milte-julte ho Aaj ki meri ye shuruat unhi ehsaas ke naam hai: Jo shabd meri diary tak seemit they, Vo aaj ek naya jahan banane nikle hain. Zindagi ke mere khatte-mithe anubhav sabko batane nikle hain. Kuch saadgi mein rehte hue, Sanj...
Read more

Tera Haq Hai Sirf Tujhpe! | Motivational Poetry"

Image
Namaskar doston, Kya aapko bhi hmesha aisa lagta hai ki agar humne ye kaam kiya to log kya kahenge ? Ya aapne khud ko unn bandisho me jakda hua hai jisme kaid mehsoos hoti hai? Zindagi ko aksar hum ek mushkil jung samajh lete hain...lekin asli mushkil hamare andar ka dar hota hai. Aaj ki ye meri poetry un sabhi ke naam jo apne dar ko darana chahte hai, usay harana chahte hai... Maana ye jivan nahi ek jung hai... Par tere hosle bhi to buland hai! Kyu darta hai ae mere dil kisi se, Kuch to log kahenge, bas tera ye bhram hai... Tod de un bandishon ko jisne tujhe hai bandha, Jee le un khwahishon ko jo poori karna tu chahta. Mout se bada to kuch nahi, phir kisi se bhi kya darna... Tera haq hai sirf tujhpe, tu isay vyarth soch mein kyu ganwata? Maine ye lines isiliye likhi hai ki aksar hum apni zindagi ki bagdor dusro k haath me de dete hain aur fir bs chinta or hatasha ke sath sari umar guzar dete hai. Yaad rakhiye aapki zindagi aur khwahishen bas aapki hai, isay muskurate hue bitayein. Aap...
Read more

​Meri Pehchan Kisi Kandhe Ki Mohtaaj Nahi - Ehsaas by Swati

Image
Namskar doston, Aaj ki meri ye lines unke liye hai jinko hamesha kamjor samjha jata hai, specially unn ladkiyon ko jinke liye samaaj hmesha ek sahara dhundhne ki koshish karta hai, unko bachpan se hi independent nhi banne diya jata hai aur agar vo apni life ka koi decision Lena bhi chahe to unhe roka jata hai specially unn logon ke dwara, jo khud kuch bhi nahi hain... " Jinke khud ke wajood dafan hai mitti me,  vo meri kabar sajaane ki baat karte hai... Dhokha unko hua hai jo meri hasti mitane ki baat karte hai... Meri pehchan kisi kandhe ki mohtaaj nahi, Jo khud gumnaam hai,  vo mera naam mitane ki baat karte hai... Itni kamjor nahi ki muthhi me ret jaise fisal jaun... Jo gire hue hai khud thokaro me, vo mujhe girane ki baat karte hain..." "Aapko ye lines kaisi lagi? Comment karke zarur batayein!" Meri pichhali kavita 'Uske rang mein dhal jaati hoon main' ko padhne ke liye neeche diye link par click karein: https://ehsaasbyswati.blogspot.com/2026/03/inteha-...
Read more