Inteha-e-ishq: Uske Rang mein...

Namaskar doston,

Har kisi ki zindagi me koi ek aisa rishta jaroor hota hai jo kisi 'falaq' (aasmaan) ki tarah humein panaah deta hain. Jiske sirf khyal bhar se hi hmein sukoon milta hai. Kuch aise hi jazbaat maine in chand lafzon mein pirone ki koshish ki hai..."



Two candles with a single flame representing love bond - Ehsaas by Swati




Apni mohabbat ko is tarah nibhati hoon main,

Ki Vo din ko raat kahe, to bhi Maan jaati hoon main,

Vo meri soch me is kadar samaya hai,

Ki khud ko hi bhool jaati hoon main...

Kehte hai pyaar me ek dusre ko badla ni jata...

Par inteha-e-ishq to dekho mera,

uske rang me hi dhal jaati hoon main...

Vo khuda ki Inayat, falaq hai mera,

Jiske tasavvur bhar se sukoon pati hu main...



Aapko is poem ki kounsi line sabse jyada relatable lgi? Comment kar ke zaroor btaiye...


Meri dusri poem "meri pehchaan kisi kandhe ki mohtaaj nahin " padhne ke liye yha click karein:

https://ehsaasbyswati.blogspot.com/2026/03/meri-pehchan-kisi-kandhe-ki-mohtaaj.html?m=1


Kuch naye ehsaas likhne ki koshish mein...

Aapki Swati...

Comments

  1. The sweet oneApril 2, 2026 at 8:53 PM

    All the poem is so beautiful n relatable for all those people who ever do love, but the second para..(vo meri soch me is kadar samaya hai) in this line i really experienced it) you doing really so well.
    Thanks.

    ReplyDelete
    Replies
    1. Ehsaas by SwatiApril 6, 2026 at 11:46 PM

      Thank you so much The sweet one! I'm so glad ki aapko ye poem relatable lagi. Specially wo wali line—'vo meri soch me is kadar samaya hai'—wo mere dil ke bhi bahut kareeb hai. It feels amazing when readers connect with the emotions behind the words. Keep reading and supporting 'Ehsaas by Swati'. Means a lot! 🙏

      Delete

Post a Comment

Popular posts from this blog

Ehsaas ka Safar: Meri Pehli Shuruat

Image
Namaste/Hello doston! ​Mera naam Swati hai, aur aaj se main ek naya safar shuru kar rahi hoon—jiska naam hai " Ehsaas by Swati " . ​Hum sabki zindagi mein bahut kuch aisa hota hai jo hum keh nahi paate, lekin mehsoos zaroor karte hain. Kabhi koi purani yaad dil ko udas kar deti hai, toh kabhi koi nayi umeed jeene ka hausla deti hai. Main hamesha se apne jazbaat ko kagaz par utarna pasand karti hoon, aur aaj is blog ke zariye, main apne wahi Ehsaas aap sab tak pahunchana chahti hoon. ​Is blog par aapko milega: ​ Sad & Soulful Poetry: Mere dil ki gehraiyon se nikle alfaaz. ​ Life & Motivation: Wo baatein jo humein har haal mein aage badhna sikhati hain. ​ Sachaai : Zindagi ke anubhav (experiences) jo shayad aapki kahani se bhi milte-julte ho Aaj ki meri ye shuruat unhi ehsaas ke naam hai: Jo shabd meri diary tak seemit they, Vo aaj ek naya jahan banane nikle hain. Zindagi ke mere khatte-mithe anubhav sabko batane nikle hain. Kuch saadgi mein rehte hue, Sanj...
Read more

Tera Haq Hai Sirf Tujhpe! | Motivational Poetry"

Image
Namaskar doston, Kya aapko bhi hmesha aisa lagta hai ki agar humne ye kaam kiya to log kya kahenge ? Ya aapne khud ko unn bandisho me jakda hua hai jisme kaid mehsoos hoti hai? Zindagi ko aksar hum ek mushkil jung samajh lete hain...lekin asli mushkil hamare andar ka dar hota hai. Aaj ki ye meri poetry un sabhi ke naam jo apne dar ko darana chahte hai, usay harana chahte hai... Maana ye jivan nahi ek jung hai... Par tere hosle bhi to buland hai! Kyu darta hai ae mere dil kisi se, Kuch to log kahenge, bas tera ye bhram hai... Tod de un bandishon ko jisne tujhe hai bandha, Jee le un khwahishon ko jo poori karna tu chahta. Mout se bada to kuch nahi, phir kisi se bhi kya darna... Tera haq hai sirf tujhpe, tu isay vyarth soch mein kyu ganwata? Maine ye lines isiliye likhi hai ki aksar hum apni zindagi ki bagdor dusro k haath me de dete hain aur fir bs chinta or hatasha ke sath sari umar guzar dete hai. Yaad rakhiye aapki zindagi aur khwahishen bas aapki hai, isay muskurate hue bitayein. Aap...
Read more

​Meri Pehchan Kisi Kandhe Ki Mohtaaj Nahi - Ehsaas by Swati

Image
Namskar doston, Aaj ki meri ye lines unke liye hai jinko hamesha kamjor samjha jata hai, specially unn ladkiyon ko jinke liye samaaj hmesha ek sahara dhundhne ki koshish karta hai, unko bachpan se hi independent nhi banne diya jata hai aur agar vo apni life ka koi decision Lena bhi chahe to unhe roka jata hai specially unn logon ke dwara, jo khud kuch bhi nahi hain... " Jinke khud ke wajood dafan hai mitti me,  vo meri kabar sajaane ki baat karte hai... Dhokha unko hua hai jo meri hasti mitane ki baat karte hai... Meri pehchan kisi kandhe ki mohtaaj nahi, Jo khud gumnaam hai,  vo mera naam mitane ki baat karte hai... Itni kamjor nahi ki muthhi me ret jaise fisal jaun... Jo gire hue hai khud thokaro me, vo mujhe girane ki baat karte hain..." "Aapko ye lines kaisi lagi? Comment karke zarur batayein!" Meri pichhali kavita 'Uske rang mein dhal jaati hoon main' ko padhne ke liye neeche diye link par click karein: https://ehsaasbyswati.blogspot.com/2026/03/inteha-...
Read more