Ehsaas by Swati

Namste/Hello doston! Hum hamesha kehte hain ki mard mazboot hote hain, par kya kabhi humne us mazbooti ke peeche ki thakavat ko mehsoos kiya hai? Aaj ki meri ye kavita unhi 'Khamosh' par majboot 'Kandho' ke baare me hain jo apni bahari zindagi or antarman me na jaane kitna struggle karte hain par apni family ki muskurahat me hi khushiyan dhundh lete hain. Voh bhala aadmi jo roz subah ghar se nikalta hai, Thokre milengi bahar ya chubhan hazaar, parwah kahan karta hai... Apne saare khwaab, voh masoom se armaan, ek lamhe mein chhodta hai, Kyunki apne maa-baap ki fikar ka maan rakhta hai. ​Bataya jata hai jise hamesha, ki uska safal hona hi lazmi hai, Kyunki poora parivaar hi toh uski koshishon par palta hai... Sabki zaruratein voh khamoshi se sunta hai, Par khud ke liye sabse kam ummeed rakhta hai. ​Ek achha aadmi, jo kisi se apna dard nahi kehta... Kyunki mard hokar bhi bhala koi rota hai? Dedicated to every man who smiles through the struggle . Meri pichhli kavi...

Aksar mahilaon se hi ye ummeed ki jaati hain ki vo parivar ki maryada ko banaye rakhein aur unhen hi rishton ko nibhana hain...vo bas isi vajah se chup rehti hain taaki 'shanti' bani rahe, lekin kya woh shanti asli hai jo unke andar ke sukoon ko khatam kar deti hai? Aaj ki meri yeh kavita un sabhi ke liye hai jo 'khandaani' hone ke bojh tale apna swabhiman bhool gayi hain. Yeh waqt hai khud ke liye khade hone ka, kyunki galat ko sehna bhi galat ka saath dene jaisa hi hai. Khandaani logon ke izzatdaar gharon mein, Khud ka aatamsamman bhi zaroori hai... Sabhi rishtey sachhe aur achhe hote hain, Is bhram-jaal ko todna bhi zaroori hai. ​Jab mile baar-baar sabse apmaan, Toh unhe aaina dikhana bhi zaroori hai... Chuppi kamzori nahi, balki tumhari taakat hai, Yeh sabko batana bhi zaroori hai. ​Koi tumhe bure shabd keh nahi sakta, Hadein paar hon, toh jawaab dena bhi zaroori hai... Jo dekar gehre zakhm, chhidke un par namak, Toh unse har ek dard ka hisaab lena bhi za...

Namaste/ Hello doston! Hum me se lagbhag harek insan ne apni family ya friends se ye jaroor suna hoga ki chaar log dekhenge to kya kahenge? Kya sach me hamari khushiyan inhi chaar logon ke aas-pas ghumti hain? Kaun hai ye chaar log? Aaj ke mere ye ehsaas unhi 'chaar logon' ke naam hai, jo har jagah hain, par khin nahin... Wo har udaas chehre mein dikh jayenge... Wo har aankh mein chhupe nazar aayenge... Wo humein umar bhar yun hi satayenge, Kaun hain wo chaar log, Jo har shehar, gali, kone mein mil jayenge... Wo hamare bhookhe hone par roti nahi khilayenge, Wo Pareshani mein kabhi saath nahi nibhayenge, Bas hamare dil mein apna khauf baithayenge, Wo chaar log, jo har shehar, gali, kone mein mil jayenge... Wo humein hamare darr se aur darayenge, Fir bhi duniya mein ' khas'  izzat kamayenge, Wo Har kadam par hum par ankush lagayenge, Wo chaar log, jo har shehar, gali, kone mein mil jayenge... Wo mansik yatna dete hi jayenge, Kuch accha karne par sirf galtiyan ginayenge, M...

Namaste/ Hello doston! Kuch log aksar dusron ki zindagi roopi kitab ko bade shauk se padhte hain, par unhein kabhi apne andar jami dhool nazar nahi aati. Aaj ke mere ye ehsaas, insaano ki isi fitrat ke naam... Khud ki khidkiyan band karke, Dusron ke gharon mein jhaankta hai; Apna kad chhota sahi, par auron ki height maapta hai, Insaan bhi kitna dogla hai... Kehta khud ko charitrawan, par sab par buri nazar rakhta hai, Apne gunaahon ko chhupaye, sabke kirdaar taar-taar karta hai, Insaan bhi kitna dogla hai... Moti, chhoti, kala, gora... kitne naam rakhta hai, Par baat jab khud pe aaye, toh baat palatta hai, Insaan bhi kitna dogla hai... Meethi zubaan, par dil mein badla rakhta hai, Girgit bhi hairaan ho jaye, aise rang badalta hai, Insaan bhi kitna dogla hai... Aapko meri aaj ki ye poem kaisi lagi? Comment kar ke jaroor btayein. Aur meri pichhli poem "Nayi Udaan: A Journey of Self-confidence" padhne ke liye neeche diye hue link par click karein: https://ehsaasbyswati.blogspot....

  Namaskar doston, Aaj ke mere ye ehsaas ek umeed hai—un khwaabon ko pura karne ki jo log dar se shayad dekhna hi bhool jaate hain. Ye poem un sabhi ke liye hai jo us darr ko peeche chhod kar, apne sapno ke aasmaan mein ek 'Nayi Udaan' bharna chahte hain. Chaliye to fir, saath udte hain is naye safar par... Wo aazaadi bhari saans, Wo sukoon bhara ehsaas, Wo har baat mein aatm-vishwaash... Lagta hai, toota hai phir koi ek pinjra! Uda hai phir ek parinda, Apni nayi dagar dhoondhne... Zamaane bhar mein apni kadar dhoondhne. Naye pankh aur naya aasmaan, Aur ek oonchi si udaan! Chunotiyaan raahon mein hain khadi, Par usey ab kisi ki parwah nahi... Wo paa lega apni manzil, tum dekhna, Aur dhoondh raha hai pinjre ka maalik...ek naya parinda. Kya aap bhi aisa hi koi pinjra todne ko taiyar ho? Mujhe comment kar ke jarur btaiyega... Or meri pichhli poem "मुखौटा" padhne ke liye neeche diye gaye link par click karein: https://ehsaasbyswati.blogspot.com/2026/04/mukhota-hindi-poem....

  Namaskar doston, Aaj ke mere ye ehsaas un logon ki asliyat bayan kar rahein hain jo khud kabhi apne andar nahin jhakten, Par samne wale ki achhai se itna darte hain ki har baar unko neecha dikhane ki koshish karte rehte hain... लोग भी कमाल करते हैं, औरों से क्या सवाल करते हैं। खुद को आईना दिखाते नहीं, पर दूसरों के सामने बार-बार रखते हैं। क्रोध, लालच, मद और षड्यंत्र, सब भरा है इनके अंदर, फिर भी तारीफ अपनी हज़ार बार करते हैं। एक चेहरे ने सौ मुखौटे   पहने हैं... पर खुद पर गर्व हर बार करते हैं। सच्चे इंसान की अच्छाइयों से डर लगता है इन्हें... इसलिए उसको नज़रों से गिराने की कोशिश बार-बार करते हैं। Kya aapke aas-pas bhi mukhote hain? Comment kar ke jarur bataye... Aur meri pichhli poem, "गुज़ारिश - Ek guzarish" ko padhne ke liye neeche diye gaye link par click karein: https://ehsaasbyswati.blogspot.com/2026/04/www.ehsaasbyswati.comek-guzarish-hindi-poem.html.html?m=1 Kuch naye ehsaas likhne ki koshish mein... Aapki Swati...